Мектеп жанындағы «Балдаурен» жазғы сауықтыру алаңы бойынша есеп. ЖАЗ - 2021

Мектеп жанындағы  «Балдаурен» жазғы сауықтыру алаңы бойынша есеп.

 ЖАЗ - 2021

01.06- 11.06 аралығында жазғы сауықтыру алаңының бірінші кезеңі өтті.

Сауықтыру алаңының бірінші маусымына жауапты   бастауыш сынып мұғалімдері Узбаева А.Б. мен Бейсембаева Ж.А. тағайындалды.   Лагерьге он, он  бес бала қатысып отырды.  Бұл алаңның күн тәртібінің ұзақтығы 2 сағатты құрады. Сауықтыру алаңында балаларды тамақтандыру жоспарланбаған.

Жаз жайнатып,күн күлдіріп,

Лагерь жырын айтамыз.

Қуанышпен,самал желмен,

                                                      Желбірей бер,жалауым!-демекші, балалардың жазғы демалысын ұйымдастырудың бір жолы лагерь. Біздің мектеп жанындағы сауықтыру алаңымызда белгіленген бағдарламаға және жоспарға сай іс- шаралар күнделікті өтіп отырды. Осы аралықта пандемия кезіндегі қауіпсіздік ережелері қатаң сақталды.

      Бірінші маусымның ашылуы “Балалар күні” мерекесімен сәйкес келді. Бұл күнді әрине ерекше ұйымдастыру көзделді. Лагерьдің ашылу салтанатын  ауылымыздың мәдениет үйінде өткіздік. Балаларды билетіп, әндетіп, ойын ойнатып , құттықтадық. Кейін далаға шығып асфальтта сурет салумен жалғастырдық. Осы күнді балаларға сыйлық ретінде табиғат мұражайына саяхатпен аяқтадық.  Балалар өте қуанып, серпіліп қалды. Табиғат мұражайының қызметкерлері керемет  экскурсиялар өткізді.